Regi. No. INDEB/KWT/ASSN/203
kalakuwait@gmail.com
കല (ആർട്ട്) കുവൈറ്റ് "നിറം 2025" ചിത്രരചനാ മത്സരം ചരിത്രം സൃഷ്ടിച്ചു
തുടർച്ചയായ 21-ആം വർഷവും നിറങ്ങളുടെ വർണ്ണ വൈവിധ്യം സൃഷ്ടിച്ചുകൊണ്ട് ഒരു ശിശുദിനാഘോഷം കൂടി പങ്കാളിത്ത വർദ്ധനവോടെ കുവൈറ്റിൽ വീണ്ടും ചരിത്രം കുറിച്ചു. ജി. സി. സി. യിലെ തന്നെ ഏറ്റവും വലിയ ചിത്രരചനാ മത്സരമായ "നിറം 2025" നവംബർ 14 ന് വെള്ളിയാഴ്ച ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ ഉച്ചയ്ക്ക് ഒരുമണിക്ക് ആരംഭിച്ചു. ഡ്രോയിംഗിലും പെയിന്റിംഗിലുമായി LKG മുതൽ 12 -ആം ക്ലാസ്സ് വരെ നാല്ഗ്രൂപ്പുകളിലായി 2600-ൽ അധികം കുട്ടികൾ പങ്കെടുത്തു.
ന്നു. മെട്രോമെഡിക്കൽഗ്രൂപ്പ് മാർക്കറ്റിംഗ് ഹെഡ് ബഷീർ ബാത്ത പരിപാടിയുടെ ഔദ്യോഗിക ഉദ്ഘാടനം നിർവഹിച്ചു. അമേരിക്കൻ ടൂറിസ്റ്റർ മാർക്കറ്റിംഗ് മാനേജർ നൗഫൽ ഓപ്പൺ ക്യാൻവാസ് മത്സരം ഉദ്ഘാടനം ചെയ്തു. കല(ആർട്ട്) കുവൈറ്റ് പ്രസിഡന്റ് ശിവകുമാർ, പ്രോഗ്രാം ജനറൽ കൺവീനർ ജിയാഷ് അബ്ദുൽ കരീം, രാഗേഷ് പി.ഡി, മുകേഷ് വി പി, ട്രെഷറർ അജിത് കുമാർ എന്നിവർ സംസാരിച്ചു. അനിയൻ കുഞ്ഞു പാപ്പച്ചൻ, അനിൽ പി അലക്സ്, ബിനു സുകുമാരൻ, നജീബ്, ഷൈജിത്ത്, സുമേഷ്, ആർട്ടിസ്റ്റുമാരായ ശശികൃഷ്ണൻ, സുനിൽ കുളനട, ഹരി ചെങ്ങന്നൂർ എന്നിവരും ചടങ്ങിൽ സംബന്ധിച്ചു. അനീച്ച ഷൈജിത്തും ലിൻസി ജോർജും കംപിയറിംഗ് നിർവഹിച്ചു.
ഇന്ത്യൻ സ്കൂളുകളിൽ പഠിക്കുന്ന ഇന്ത്യയുടെ വിവിധ ഭാഗങ്ങളിൽ നിന്നുള്ള കുട്ടികളോടൊപ്പം അറബ്, ഫിലിപ്പീന്സ്, ശ്രീലങ്ക എന്നീ രാജ്യങ്ങളിൽ നിന്നുള്ള കുട്ടികളും മത്സരത്തിൽ പങ്കെടുത്തു. സന്ദർശകരും രക്ഷിതാക്കളും അടങ്ങുന്ന വലിയൊരു ജനാവലിയാൽ സ്കൂൾ അങ്കണം നിറഞ്ഞു കവിഞ്ഞു.
റിസൾട്ട് ഡിസംബർ 10-ആം തിയ്യതി ദ്രിശ്യ-വാർത്താ മാധ്യമങ്ങളിലൂടെയും www.kalakuwait.net, എന്ന വെബ്സൈറ്റ്ലൂടെയും പ്രഖ്യാപിക്കുന്നതായിരിക്കും എന്ന് ഭാരവാഹികൾ അറിയിച്ചു. ഓരോ ഗ്രൂപ്പിലും ഒന്നും രണ്ടും മൂന്നും സമ്മാനങ്ങൾക്ക് പുറമേ 75 പേർക്ക് മെറിറ്റ് പ്രൈസും മൊത്തം പങ്കാളിത്തത്തിന്റെ 10 ശതമാനം പേർക്ക് പ്രോത്സാഹന സമ്മാനവും നല്കുന്നതാണ്. ജനുവരിയിൽ ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ വെച്ച് സമ്മാനദാനം നിർവഹിക്കും. സംഘടനാ ഭാരവാഹികളായ സുനിൽ, ജോണി, അഷ്റഫ്, മുസ്തഫ, അനിൽ, കനകരാജ്, റിജോ, വിഷ്ണു, ശരത്, ജ്യോതി ശിവകുമാർ, പ്രവീൺ, പ്രജീഷ്, ജയേഷ്, മനോജ്, വിഷ്ണു, റിജിൻ, പ്രമോദ്, ബിന്ദു, രേഖ എന്നിവർ പരിപാടി നിയന്ത്രിച്ചു.
